Орон орны 100 гаруй онц сонирхолтой, өхөөрдөм зурагтай ном, үлгэрүүдийг Монгол хэл дээр хүүхэдтэйгээ хамтдаа унших үнэ төлбөргүй номын сангаар зочилж, үлгэрийн ертөнцөөр аялахыг урьж байна.
Та дурын төхөөрөмжөөс энэхүү цахим номын сангийн вебсайтаар зочлох боломжтойгоос гадна Андройд болон iOS ухаалаг утсандаа "Let's Read" аппыг суулган Монгол хэл дээр орон орны хүүхдийн номыг үнэ төлбөргүйгээр хүүхэдтэйгээ хамт уншаарай.
"Let's Read" номын санд Ази Номхон далайн 18 орны хүүхдийн номыг байршуулдаг бөгөөд 50-аад хэл дээр нийт 8000+ ном байдгийн 99 нь Монгол хэл дээр орчуулагдаж, цаашид тогтмол нэмэгдэнэ.
Асуудал шийдвэрлэх, амьтад, адал явдал гэх мэт 15 ангилал байгаагаас сонгон хүүхдийнхээ дуртай сэдвийн номыг олох боломжтой.
"Let's Read" цахим номын санд бүртгүүлснээр өөрийн уншлагын түүхийг харахаас гадна хүүхдийнхээ дуртай номнуудыг хадгалах боломжтой.
Хүссэн номоо үнэ төлбөргүйгээр татаж аван интернетгүй орчинд, эсвэл номоо хэвлэн хүүхэдтэйгээ хамт хаана ч унших боломжтой.
Андройд эсвэл iOS ухаалаг утсандаа татаж аваад хаана ч явсан хүүхэдтэйгээ хамт "Ирээдүйнх нь төлөө 15 минут" өдөр бүр ном уншаарай.
