Төсөөллийн ертөнц

Ном бол цоо шинэ төсөөллийн ертөнцөд хүрэх хаалга юм. Хүүхдэдээ ном уншиж өгснөөр та хүүхдийнхээ төсөөллийн ертөнцийг нээж байгаа гэсэн үг. Олон төрлийн баатруудтай сургамжит түүхүүдтэй ном нь хүүхдэд янз бүрийн сэтгэл хөдлөлийг мэдрүүлдэг бөгөөд үгээр мэдрэмжээ илэрхийлэх ур чадварыг заадаг. 

‍

Шидэт дагина, цагаан морьтой ханхүү, ганц эвэрт гэх мэт сонирхолтой дүрүүдийг агуулсан номууд хүүхдийн тань бүтээлч сэтгэлгээг хөгжүүлдэг. Тэд яг л жинхэнэ найзууд шиг нь бодитой санагддаг. Номын баатруудаар дамжуулан хүүхдүүд өөрсдийнхөө талаар илүү ихийг мэдэж шинэ зүйлүүдийг туршиж үзэх боломжийг олгодог.  Хүүхдэдээ уран зөгнөлт, инээдмийн, түүхэн зохиол гэх мэт олон төрлийн номнуудаас сонгон уншиж өгөх нь тэдэнд олон шинэ мэдээлэл өгч, соёлыг түгээж, оюун ухаанд нь эерэгээр нөлөөлнө. 

‍

1. Энэ насан дээр энгийн, ойлгомжтой агуулгатай номуудаас илүү хоёрдогч үйл явдал, зөрчилдөөн агуулсан, баатрууд нь хүсэл мөрөөдөлтэй номууд сонирхлыг нь татна. 
2. Ном дээр ямар үйл явдал гарах талаар хүүхдээрээ таалгаж, төсөөлүүлээрэй. Жишээ нь “Энэ ном дээр туулай болон хулгана 2 шидэт хивсээр аялна. Эрдэнэс олох байх” энэ хүүхдийн тань ургуулан бодох болон дүн шинжилгээ хийх буюу аналитик сэтгэлгээг хөгжүүлэх болно. 
3. Номын зургуудыг ашиглан хүүхдээрээ үйл явдлыг нь яриулаарай. Ингэснээр таны хүүхдийнхээ бүтээлч сэтгэлгээг хөгжүүлдэг.

‍